التربية الدينية طريق الصلاح
العاصمة اليومبقلم/ دنيا صلاح
بشكل
واضح وصريح عندي سؤال محيرني " ليه هنا في مصر التربية الإسلامية او زي ما بنقول
عليها الدين مادة مبتتحسبش في المجموع ؟؟ " اه تمام هي مادة نجاح ورسوب بس الطلاب
مبتهتمش بيها .. انت متخيل انا بقول ايه ! الدين مش مهم بالنسبة للطلاب اللي هما فئة
كبيرة من المجتمع .. حصتين تلاتة هنلم بيهم المنهج وهنحفظلنا الكلمتين اللي عرفناهم وهندخل ننسخهم
في ورقة الامتحان وهنطلع.. وبالنسبة للمعلومتين
اللي عرفناهم دول .. كبيرهم ساعتين زمن وهيطيرو من دماغنا .. وجهة نظر معظم الطلاب
في المادة دي .. المادة اللي المفروض بتعرفنا دينا وبتعرفنا الأوامر المكلفين بيها
وحقوقنا وواجباتنا تجاه كل شخص في حياتنا وبتعلمنا سيرة الرسول صلى الله عليه وسلم
والاقتداء به .. احنا منعرفش هي بتتكلم عن
ايه اصلا .. كمية مأساة في كلامي مش طبيعية .. الكلام ده .. يدمر جيل وللأسف احنا حاليا
وصلنا للنتيجة دي .. كمية الحوادث اللي كل يوم بنسمعها .. تحرش .. انتهاك أعراض ..
اغتصاب .. سرقة ونهب .. قتل .. كل الجرائم دي سببها ايه ! فكر معايا كده .. لو ربطنا
كلامي في البداية بالجرائم دي .. هنوصل لايه .. ها فهمت قصدي ؟ الفجور والفسوق والفوضى وقلة الأدب والاحترام اللي
احنا عايشين فيها دي نتيجة قلة الدين .. قلة الإيمان .. قلة التربية .. انعدام الأخلاق
والقيم والمبادئ .. اكيد مش قصدي أن الأهالي
مقصرة في حق أولادها .. بس الأهل نفسهم حاليا مع الأسف حاجات كتيرة ميعرفوهاش عشان
يعرفوها لأولادهم اللي هما بذرة المجتمع ..
واحد
يضرب مراته ويقول انا بعلمها الأدب هي غلطت وانا بحاسبها .. لا ثواني بجد .. اذا هي
مش متعلمة الأدب في بيت أهلها .. انت ازاي رضيت انها تبقى مراتك وأم اطفالك مستقبلا!!!
وواحد
تاني يتحرش ببنات الناس ويرجع يقول هما اللي لبسهم ضيق وملفت .. هو أنت مش مسلم ..
هو دينك مش أمرك تغص بصرك .. حتى لو لبسها
ضيق زي ما حضرتك بتقول فهي اللي هتتحاسب .. انت متحاسبهاش و ملكش حكم عليها .. الحساب
يوم الحساب .
واحد
يسرق اللي شغال معاه ويقول ما هو السبب .. ليه هو عملك ايه ؟ .. هو احسن مني .. عنده
وعنده وعنده .. انت بتقول ايه يا بني آدم أنت .. اللي معاه ده رزق من ربنا .. أنت هتعترض
على حكم ربنا وإرادته !! .. ادعي ربنا يزيدو ويديك انت كمان
واحد
أو واحدة تاخد رشوة .. بس هما عمرهم ما هيسموها
كده .. المبلغ المالي ده حقي قصاد أني بخلص وبنجز مصلحة لشخص معاه فلوس ومقتدر
.. ميدفعش ليه ؟ .. طيب واللي مش معاهم فلوس
ومش مقتدرين مش هنخلصلهم مصالحهم اللي هي أصلا واجبك تجاهم ! وبتاخدي مرتب على
شغلك ده
واحدة
تخون جوزها والسبب .. هو مش مريحني .. أهلي غصبوني عليه .. هو مشغول عني .. انتي بتقولي
ايه يا حبيبتي .. أولا الزواج بدون رضا باطل .. ثانياً .. ربنا مدينا حق طلب الطلاق
في حالة انه مش مريحك زي ما انتي بتقولي .. اطلبي الطلاق .. وحافظي على نفسك وسمعتك
.. الخيانة ملهاش مبرر
بصراحة
نفسي ندي مادة التربية الإسلامية حقها .. يمكن ده يصلح شوية من الفوضى اللي احنا فيها
.