بالصور : سما المصري من جدل البكيني إلى الصيد في المياه الراكدة بين بوسي شلبي وفجر السعيد ..

العاصمة اليوم

كتبت / أمل فرج



تعود سما المصري مجددا بعد إثارة الجدل بصورها بالبكيني عبر انستجرام في مطلع الشهر ، لتثير شغبا جديدا بين بوسي شلبي وفجر السعيد حول المناوشات الأخيرة بينهما ..



شنت سما المصري، هجوما حادا على الإعلامية بوسي شلبي، عقب المشادة التي حدثت بينها وبين الكاتبة الكويتية فجر السعيد على السوشيال ميديا.



ونشرت سما المصري، صورة "إسكرين شوت"، على حسابها الشخصي موقع "إنستجرام"، للتعليقات، وذلك بعد أن عرضت الإعلامية بوسي شلبي صورة لها جديدة على حسابها تُظهر فيه اللوك الجديد الخاص بها، فعلقت فجر السعيد على صورتها باستنكار: "مين دي"، ما استفز بوسي التي ردت عليها سريعاً قائلة لها: "خالتك".



وعلقت سما، قائلة: "على فكرة يا بوسي أنا عملتلك بلوك ع الواتس والإنستجرام عشان مابحبش الستات الندلة اللي مش جدعان والستات الكدابة".



وتابعت سما، "عيب ياحاجة بوسي شلبي عييييب، دلوقتي بقيتي تتريقي وتطولي لسانك فجر السعيد الكاتبة الكويتية، أهل الكويت أجدع ناس وأجدع منك، سبحان الله ده انتي قدام عيني كنت واكلة نايمة شاربة في بيتها وخيرها عليكي عيب بلاش وطيان بالشكل ده".



وأضافت: "دي فجر دي ياما سفرتك على حسابها وياما عزمتك في الكويت على حفلات ومهرجانات برضه على حسابها، دلوقتي لما الدنيا قامت عليها عشان قالت رأيها في نجلاء فتحي بقت وحشة ويع وكوخة؟، هو أنتي كمان بتجري ورا الرايجة زي باقي الوسط؟؟".



وقالت: "والله العظيم فجر السعيد دي أرجل منكم كلكم يا وسط ملوش غالي ولا عزيز، ويااااما خدمتك إنتي وفيفي عبده وإلهام شاهين وهالة صدقي وناس كتير من الوسط أول ماتعضوا تعضوا فيها كده ليه ماعندكوش أصل مع بعض ولا أوفياء لبعض الدنيا فانية ياست بوسي إنتي وإلهام ....الله يرحم الهدايا اللي كنتوا بتاخدوها على قفا فجر السعيد من المهرجانات".



واختتمت كلامها: "والله عيب فجر دي بتحب مصر يمكن أكتر منكم كلكم، ع العموم الدنيا دوارة وافتكري يا بوسي لما فجر سفرتك للمطربة احلام وأكلتي عيش وملح في بيتها قدامي، والله عمري ماشفت ندالة زي ماشفت ندالة في الوسط الفني والإعلامي، لك الله يافجر".