فينك يا شهر رمضان .. للشاعرة صفية نصار
فين
رمضان بتاع زمان
فين
الزينة أشكال وألوان
وحشنا
الفانوس ابو شمعه
وحشتنا
حتي صيغة الأذان
****
مفيش
حي علي الصلاة
ولا
في النفس صفا
الكل
مرعوب وخايف
نفسه
يلاقي طوق النجاة
فين
رمضان بتاع زمان
***
فين
الخير وموائد الرحمن
في كل
حارة وكل ميدان
مفيش
تراويح ولا جمعة تجمعنا
اتقفلت
في وشنا كل البيبان
فين
رمضان بتاع زمان
***
من كتر
الذنوب والمعاصي
ياما
هنشوف وياما هنقاسي
لو مرجعناش
عن الظلم
لا تنفعنا
مناصب ولا كراسي
غير
لو قلبك بالخير مليان
*****
فين
اهلا رمضان والمسحراتي
وحشني
أزور حبايبي واخواتي
والنهاردة
افطر عند ست الحبايب
وبكره
افطر عند الست حماتي
ونتجمع
كلنا احباب وجيران
******
زي عوايدنا
و لسه الخير في الأمة
وفي
ثانيه ربك قادر يزيح الغمه
و نصلي
الجمعة جماعة والتراويح
في الجامع
دي فرحة ايامك في اللمة
وردنا
يارب لبيتك مع هلال رمضان
