نفختي شفايفك فين؟.. رد صادم من رضوى الشربيني عن إجرائها عملية تجميل

كشفت الإعلامية رضوى الشربيني، عبر برنامجها على فضائية سي بي سي، عن حقيقة إجرائها عملية تجميل في الشفاه.

وقالت رضوى الشربيني، خلال تقديمها برنامج "هي وبس" المذاع عبر قناة cbc سفرة: "كذا حد بعت للبرنامج يسأل، رضوى: أنتي نفختي شفايفك فين؟، فقررنا نعمل حاجة جديدة، وأنا طالعة من غير روج".

وأضافت رضوى الشربيني، شارحة الوصفة الخاصة بها: "قبل ما أطلع على الهوا، أو خلال اليوم، لو خارجة مع صحابي؛ عاملة خلطة مكونة من قرفة، وشطة، وفازلين طبي، وزيت لوز حلو، وفي ناس بتحط على الخلطة دي، جنزبيل".

وطبقت رضوى الشربيني، تلك الوصفة، أمام الكاميرا، وقالت: "الخلطة أولا بتلون الشفايف وترفعها، ولو تقدري تستحملي الشطة؛ ممكن تاخدي شفايف أنجلينا جولي".

وشددت على ضرورة الحرص خلال تطبيق الوصفة، قائلة "هتلاقي شفايفك التهبت من الشطة، ولازم تجربيها؛ عشان لو عندك حساسية منها، أو من أي مكونات في الخلطة؛ ما تعملش تورمات، أو تترك علامات".