ملامح الوجع..!

بقلم الكاتب /أشرف فتحي عبد العزيز

مع كل مرة حد بــ يدخل حياتك ويخرج منها بياخد حته من روحك، وبتخسر معاها حته من نفسك، ومرة مع مرة بتخسر كل حاجة، بمعنى أدق بــ تخسر حياتك وقلبك اللي بيدفع لوحده الثمن ...! محدش بيحس وهو ماشي من حياتك انه اخد حته منك معاه، علشان ببساطة انت مش فارق معاه تعيش ولا تموت، ولا حس قد ايه كنت مأمن ليه واديته روحك وقلبك بجد ومكنتش مستني منه حاجة غير الأمان....! وإنه لما باعك كسر حته في قلبك وروحك واخدها معاه بمنتهى الأنانية من غير ما يفكر في الوجع اللي سببه ليك سابك تنزف حبك بوجع حتى الرحمة داس عليها وهو بيقتلك....! ناس كتير مش بــ تحس وتفهم يعني إيه عايش (ميت حي) وانت روحك متاخده منك وقلبك ميت جواك علشان كنت طيب علشان بتصدق كلامهم من غير ما تخون حد...! مش كل الوجع بيبان على الناس دي ولا كل جرح بتشوف نزيفه عليهم علشان الحاجات دي بتبقى من جوه... من جواهم بيتوجعوا اوووي ومتحرم عليهم حتى يصرخوا فبتشوفهم عادي مبسوطين بيضحكوا بس من جواهم مدبوحين....! للأسف الحياة بتفرض على الناس دي تعيش كدة وش من بره بيضحك ووش جواهم مكسور، ناس كتير حوالينا عايشين كدة فمتاخدش الناس بالظاهر علشان ربنا يكفيك شر الباطن..! ودائماً اتعامل مع الناس زي ما تحب تتعامل ...!!!!