وقت الانسحاب

كتب / اشرف فتحي

الوقت اللي تلاقي نفسك فيه لواحدك وقلبك موجوع يبقى هو ده وقت الإنسحاب...!وقت ما تلاقيك اتقسمت إثنين عكس بعض يبقى ده وقت الإنسحاب..!وقت ما تلاقي اللي جمبك مبقاش حاس بيك ولا فاهمكيبقى ده وقت الإنسحاب..!وقت ما تلاقي اللي منك بقى هو سبب حزنك ومشاكلكيبقى ده وقت الإنسحاب..!وقت ما تلاقي تعبك وسكوتك بيتفسروا بألف سبب كلها ضدتك يبقى ده وقت الإنسحاب...!وقت ما تلاقي إهتمامك ومشاعرك لحد ملهمش لازمة عنده ولا فارقين معاه يبقى ده وقت الإنسحاب..!وقت ما تلاقي قربك وبعدك زي بعض كأنك سراب او خيال يبقى ده وقت الإنسحاب...!وقت ما الابتسامة تضيع من ملامحك بسببهم وهما لسه بيضحكوا وعيونك تغيم بالحزن يبقى ده وقت الإنسحاب....!وقت ما تلاقي إحتياجهم ليك بقى زي الوقت وإنك بقيت تشبه الساعة لما يكون عندهم حاجة مهمة كل شوية عنيهم عليها لتروح منهم وأنك مجرد وقت يبقى ده وقت الإنسحاب ....!ووقت ما يكونوا عايشين حياتهم ومكبرين دمغهم منك وأنت في أشد لحظات احتياج ليهم يبقى هو ده وقت الإنسحاب...!وقت ما تلاقي حبك بقى وجعك واخلاصك بقى عذابك وقلبك بطل يدق يبقى هو ده وقت الإنسحاب....! علشان قلبك يرجع للحياة ويدق من جديد .....!